Exotic! Ibig sabihin kakaiba o hindi pangkaraniwan. Maaaring maihalintulad natin ito sa pagkain. Karamihan sa atin ay nandidiri pag sila’y nakakarinig ng “exotic food” lalong lalo yung mga lumaki sa syudad at hindi pa nakakaranas tumikim ng mga pagkaing hindi masyadong naihahain o nabibili sa particular na lugar. Ang iba naman ay takam na takam ng kumain o matikman muli ang mga nasabing pagkain.
Ibabahagi ko dito ang aking pananaw sa isang exotic na putahe na tinatawag na “Butete Tugak”. Sa pangalan pa lamang ay nakakpagtaka na kung ano ba ang mayroon dito. Ito ay simpleng palaka na nakukuha sa mga palayan at ito yung mga palakang nakakain. Hindi tayo basta basta makakakuha ng palaka sapagkat hindi lahat ng uri ng palaka ay nakakain, ang iba ay nakakalason. Balik tayo sa ating menu ngayon. Ito ay simpleng luto lang naman, pagkatapos mo balatan ang mga palaka ay nilalagyan yung pinaka tiyan nila ng giniling na karne ng baboy ay agad -agad ay piniprito ito sa kumukulong mantika. At tapos, malinamnam ang pagkaing ito.
Hindi nyo ba alam na kadalasan ng mga exotic na pagkain ay mas masustansya kaysa sa mga madalas nating nakakain sa pang araw-araw. Siguro sa una lalo pag hindi talaga sanay ay maninibago pero pag natikman nyu na ay sigurado akong magugustuhan nyu at malamang hahanap hanapin nyo
.
Ni Marlyn Beato
No comments:
Post a Comment